Бүгін таңғы сегізден бастап Әзірбайжанның Қорғаныс министрлігі, Бас прокуратурасы таратып жатқан ақпараттар мәз емес…

Геранбой, Тертер, Агдам, Барди аудандарына қарасты ауылдар артиллерия соққысының астында қалған. Астаң-кестең құрылыс, берекеті кеткен халық… Бас прокуратура Шахмеммедлі ауылының 63 жастағы бір тұрғыны жау оғынан қаза тапқанын хабарлады.

Армян тарапының бұл қимылын Илхам Әлиев “арсыздық” деп бағалады.

“Армения соғысқа неғұрлым көп елді араластырғысы келеді. Менің бейбіт халқыма оқ жаудырып, бізден де да сондай қадам күтеді. Егер Баку Ереванды бомбалай бастаса Арменияның басқа одақтастары да соғысқа араласуға мәжбүр болады. Бұны мен жақсы білем және Армениядан басқа елмен соғыспаймын!”

Күні кеше ғана CNN Türk телеарнасына сұхбат берген Әзірбасы Арменияның арсыздығын ашық сынады.

“Әзірбайжан ешкімнің қуыршағы емес! Ешқашан болмайды да! Ал, Армения өзінің кім екенін Әлемге әйгілеп берді.

Армения – расистер мемлекеті! Ол елде армяннан басқа ешкім тұрмайды. Тұрғызбайды! Олар әзірбайжандарды қуды, кейін басқалардан да құтылды. Армяннан өзге ұлт өкілін көзтүркі қылады, әр түрлі былыққа батырады, оған да кетпей қойса қуып жібереді! Бұл таза расизм!”

Әзірбайжан Қорғаныс министрлігінің хабарлауынша осы соғыс қимылдары кезінде Әзірбайжан 30 азаматынан айырылған, 143 адам жарақат алған.

“Армения қазір жанталасып жатыр. Әзірбайжанның қуатты әскері аспаннан да, жерден де оқ жаудырған кезде безектеп кетті. Қазір сорлы Пашинян жан-жаққа звондап Әлиевті тоқтатуын сұрап жатыр. Алайда, Әлиев тоқтамайды, себебі, Әлиев өз жерінде соғысып жатыр! Әлиев Әзірбайжан басқыншылардан толық тазарған күні тоқтайды!” деді Әзірбасы EuroNews телеарнасына берген сұхбатында.